Pandurang Ashtakam
महायोगपीठे तटे भीमरथ्या वरं पुंडरीकाय दातुं मुनींद्रैः । समागत्य तिष्ठंतमानंदकंदं परब्रह्मलिंगं भजे पांडुरंगम् ॥ १ ॥
mahaayogapeethe tate bheemarathyaa varam pundareekaaya daatum muneendraih | samaagatya tishthantamaanandakandam parabrahmalingam bhaje paandurangam || 1 ||
Translation not yet added.
तटिद्वाससं नीलमेघावभासं रमामंदिरं सुंदरं चित्प्रकाशम् । वरं त्विष्टकायां समन्यस्तपादं परब्रह्मलिंगं भजे पांडुरंगम् ॥ २ ॥
tatidvaasasam neelameghaavabhaasam ramaamandiram sundaram chitprakaasham | varam tvishtakaayaam samanyastapaadam parabrahmalingam bhaje paandurangam || 2 ||
Translation not yet added.
प्रमाणं भवाब्धेरिदं मामकानां नितंबः कराभ्यां धृतो येन तस्मात् । विधातुर्वसत्यै धृतो नाभिकोशः परब्रह्मलिंगं भजे पांडुरंगम् ॥ ३ ॥
pramaanam bhavaabdheridam maamakaanaam nitambah karaabhyaam dhruto yena tasmaat | vidhaaturvasatyai dhruto naabhikoshah parabrahmalingam bhaje paandurangam || 3 ||
Translation not yet added.
स्फुरत्कौस्तुभालंकृतं कंठदेशे श्रिया जुष्टकेयूरकं श्रीनिवासम् । शिवं शांतमीड्यं वरं लोकपालं परब्रह्मलिंगं भजे पांडुरंगम् ॥ ४ ॥
sphuratkaustubhaalankrutam kanthadeshe shriyaa jushtakeyoorakam shreenivaasam | shivam shaantameedyam varam lokapaalam parabrahmalingam bhaje paandurangam || 4 ||
Translation not yet added.
शरच्चंद्रबिंबाननं चारुहासं लसत्कुंडलाक्रांतगंडस्थलांतम् । जपारागबिंबाधरं कंजनेत्रं परब्रह्मलिंगं भजे पांडुरंगम् ॥ ५ ॥
sharachchandrabimbaananam chaaruhaasam lasatkundalaakraantagandasthalaantam | japaaraagabimbaadharam kanjanetram parabrahmalingam bhaje paandurangam || 5 ||
Translation not yet added.
किरीटोज्ज्वलत्सर्वदिक्प्रांतभागं सुरैरर्चितं दिव्यरत्नैरनर्घैः । त्रिभंगाकृतिं बर्हमाल्यावतंसं परब्रह्मलिंगं भजे पांडुरंगम् ॥ ६ ॥
kireetojjvalatsarvadikpraantabhaagam surairarchitam divyaratnairanarghaih | tribhangaakrutim barhamaalyaavatamsam parabrahmalingam bhaje paandurangam || 6 ||
Translation not yet added.
विभुं वेणुनादं चरंतं दुरंतं स्वयं लीलया गोपवेषं दधानम् । गवां बृंदकानंददं चारुहासं परब्रह्मलिंगं भजे पांडुरंगम् ॥ ७ ॥
vibhum venunaadam charantam durantam svayam leelayaa gopavesham dadhaanam | gavaam brundakaanandadam chaaruhaasam parabrahmalingam bhaje paandurangam || 7 ||
Translation not yet added.
अजं रुक्मिणीप्राणसंजीवनं तं परं धाम कैवल्यमेकं तुरीयम् । प्रसन्नं प्रपन्नार्तिहं देवदेवं परब्रह्मलिंगं भजे पांडुरंगम् ॥ ८ ॥
ajam rukminipraanasanjeevanam tam param dhaama kaivalyamekam tureeyam | prasannam prapannaartiham devadevam parabrahmalingam bhaje paandurangam || 8 ||
Translation not yet added.
स्तवं पांडुरंगस्य वै पुण्यदं ये पठंत्येकचित्तेन भक्त्या च नित्यम् । भवांभोनिधिं तेऽपि तीर्त्वांतकाले हरेरालयं शाश्वतं प्राप्नुवंति ॥ ९ ॥
stavam paandurangasya vai punyadam ye pathantyekachittena bhaktyaa cha nityam | bhavaambhonidhim te'pi teertvaantakaale hareraalayam shaashvatam praapnuvanti || 9 ||
Translation not yet added.
इति श्रीमत्परमहंस परिव्राजकाचार्य श्रीमच्छंकरभगवत्पादाचार्य विरचितं श्री पांडुरंगाष्टकम् ।
iti shreematparamahansa parivraajakaachaarya shreemachchhankarabhagavatpaadaachaarya virachitam shree paanduranagaashtakam |
Translation not yet added.