Nirvana Shatakam
मनोबुद्ध्यहङ्कार चित्तानि नाहं न च श्रोत्रजिह्वे न च घ्राणनेत्रे । न च व्योम भूमिर्न तेजो न वायुः चिदानन्दरूपः शिवोऽहम् शिवोऽहम् ॥१॥
manobuddhyahankaara chittaani naaham na cha shrotrajihve na cha ghraananetre na cha vyoma bhoomirna tejo na vaayuh chidaanandaroopah shivoham shivoham
Translation not yet added.
न च प्राणसंज्ञो न वै पञ्चवायुः न वा सप्तधातुः न वा पञ्चकोशः । न वाक्पाणिपादं न चोपस्थपायु चिदानन्दरूपः शिवोऽहम् शिवोऽहम् ॥२॥
na cha praanasangyo na vai panchavaayuh na vaa saptadhaatuh na vaa panchakoshah na vaakpaanipaadam na chopasthapaayu chidaanandaroopah shivoham shivoham
Translation not yet added.
न मे द्वेषरागौ न मे लोभमोहौ मदो नैव मे नैव मात्सर्यभावः । न धर्मो न चार्थो न कामो न मोक्षः चिदानन्दरूपः शिवोऽहम् शिवोऽहम् ॥३॥
na me dvesharaagau na me lobhamohau mado naiva me naiva maatsaryabhaavah na dharmo na chaartho na kaamo na mokshah chidaanandaroopah shivoham shivoham
Translation not yet added.
न पुण्यं न पापं न सौख्यं न दुःखं न मन्त्रो न तीर्थं न वेदा न यज्ञाः । अहं भोजनं नैव भोज्यं न भोक्ता चिदानन्दरूपः शिवोऽहम् शिवोऽहम् ॥४॥
na punyam na paapam na saukhyam na duhkham na mantro na teertham na vedaa na yagyaah aham bhojanam naiva bhojyam na bhoktaa chidaanandaroopah shivoham shivoham
Translation not yet added.
न मृत्युर्न शङ्का न मे जातिभेदः पिता नैव मे नैव माता न जन्मः । न बन्धुर्न मित्रं गुरुर्नैव शिष्यं चिदानन्दरूपः शिवोऽहम् शिवोऽहम् ॥५॥
na mrityurna shankaa na me jaatibhedah pitaa naiva me naiva maataa na janmah na bandhurna mitram gururnaiva shishyam chidaanandaroopah shivoham shivoham
Translation not yet added.
अहं निर्विकल्पो निराकाररूपो विभुत्वाच्च सर्वत्र सर्वेन्द्रियाणाम् । न चासङ्गतं नैव मुक्तिर्न मेयः चिदानन्दरूपः शिवोऽहम् शिवोऽहम् ॥६॥
aham nirvikalpo niraakaararoopo vibhutvaachcha sarvatra sarvendriyaanaam na chaasangatam naiva muktirna meyah chidaanandaroopah shivoham shivoham
Translation not yet added.